Saranda Shala: Jam e dashuruar

Modelja e famshme kosovare Saranda Shala në një bisedë për Telegrafi.com ka zbuluar se është e dashuruar dhe ndihet shumë e lumtur.

“Po jam e dashuruar dhe shumë, shumë e lumtur. Ndërsa më tepër nuk kam dëshirë të shpalosi nga jeta ime private. Ndoshta pak më vonë”, është shprehur Saranda.

Saranda po ashtu ka treguar se modelimi për të është një pasion, por asnjëherë profesion primar.

“Unë tashmë kam shumë vite karrierë në modelim, por asnjëherë modelimi s’ka qenë profesioni im primar. Thjesht ka qenë pasion, hobi dhe me këto vite që i kam nuk mund të jem shumë aktive në këtë fushë sepse kam punë dhe plane tjera për të ardhmen time. Ndoshta gjithmonë ka diçka që ndërlidhet me modelimi, por jo edhe të jem aktive. Dua po ashtu të zbuloj se së shpejti do të filloj me një projekt timin që ka të bëjë me fushën e modelimit”, ka pohuar Saranda.

Saranda përveç modelimit punon edhe në Post Telekomunikacionin e Kosovës (PTK), ku kalon pjesën më të madhe të ditës, ndërsa kohën e mirë mundohet t’ia kushtoj familjes dhe shoqërisë së saj.

“Unë zgjohem çdo ditë në ora 7 të mëngjesit, përveç vikendit, sepse përveç angazhimeve tjera që i kam unë punoj në kompaninë më të madhe në vend (PTK). Aty e kaloj pjesën më të madhe të ditës, pastaj pas orës 5, nëse veç jam e lirë, e takojë shoqërinë . Mbrëmjen zakonisht kam dëshirë ta kaloj në shtëpi me familjen time”, ka thënë Saranda.